Беларуская незалежная кінаакадэмія запрашае кінематаграфістаў дасылаць свае праекты на розных стадыях працы ў якасці заявак на ўдзел у пітчынґу. Падзея мае адбыцца ў межах Еўрапейскага кінарынку 74-га Берлінскага міжнароднага кінафестывалю ў лютым будучага года. З дасланых заявак да пітчынґу будуць адабраныя да сямі ўдзельнікаў.

У пятніцу, 17 лютага 2023 года, аб 11:30 заснавальнікі ўпершыню прэзентуюць планы адносна Беларускай незалежнай кінаакадэміі: раскажуць пра сваю ініцыятыву і пакажуць першыя праекты ў працы. Прэзентацыя адбудзецца на Berlinale EFM у Цэнтры прадзюсараў (EFM, Martin Gropius Bau, 2-і паверх).

У адказ на сталую пагрозу пераследу, турэмнага зняволення і катаванняў незалежным мастакам у Беларусі, а таксама неабходнасць пакінуць краіну, каб працягваць працаваць без дзяржаўных рэпрэсіяў і згодна са свабодаю выказвання меркаванняў, група незалежных беларускіх кінематаграфістаў у выгнанні яднаецца ў Беларускую незалежную кінаакадэмію, каб даць голас незалежным мастакам з Беларусі, якія працуюць у кінаіндустрыі.

Імпрэзу ладзяць у шчыльнай супрацы з Еўрапейскім кінарынкам і яго дырэктарам Дэнісам Ругам. Будзе прысутнічаць дырэктар Еўрапейскай кінаакадэміі Матэйс Ваўтэр Кнол, каб выказаць падтрыманне, а таксама Зымонэ Баўман, выканаўчая дырэктарка German Films.